شمالی وزیرستان میں جھڑپیں، 5 فوجی شہید، کمانڈر سمیت 5 دہشت گرد ہلاک

شمالی وزیرستان میں دہشت گردوں سے دو مختلف جھڑپوں میں 5 فوجی شہید اور کمانڈر سمیت 5 دہشت گرد مارے گئے۔

پاک فوج کے شعبہ تعلقات عامہ (آئی ایس پی آر) سے جاری بیان کے مطابق شمالی وزیرستان کے علاقے بویا میں آج دہشت گردوں کیخلاف انٹیلی جنس بیسڈ آپریشن کیا گیا، جہاں دو طرفہ فائرنگ کے تبادلے میں 4 دہشت گرد مارے گئے۔

ترجمان نے بتایا کہ مارے گئے ملزمان سے اسلحہ اور دھماکا خیز مواد بھی برآمد ہوا، دہشت گرد کئی تخریبی کارروائیوں میں ملوث تھے، جن میں سیکیورٹی فورسز اور معصوم شہریوں کو نشانہ بنایا گیا۔

آئی ایس پی آر کے مطابق دو طرفہ فائرنگ میں 5 فوجی جوانوں نے بھی جام شہادت نوش کیا، جن میں وانا جنوبی وزیرستان سے تعلق رکھنے والے 26 سالہ کیپٹن عبدالولی، ایبٹ آباد کے 45 سالہ نائب صوبیدار نواز، سرگودھا کے 34 سالہ حوالدار غلام علی، میانوالی کے 33 سالہ لانس نائیک الیاس اور میانوالی کے 29 سالہ سپاہی ظفر اللہ شامل ہیں۔

ترجمان پاک فوج کے مطابق علاقے میں دیگر دہشت گردوں کی تلاش اور کلیئرنس آپریشن جاری ہے۔

آئی ایس پی آر کے مطابق دوسرا آپریشن شمالی وزیرستان کے علاقے میر علی میں کیا گیا جہاں فائرنگ کے تبادلے میں دہشت گرد کمانڈر طفیل مارا گیا، جو سیکیورٹی فورسز پر حملوں میں ملوث تھا۔



from Samaa - Latest News https://ift.tt/aP6ZFOQ

بھارت نے ہماری غلطیوں کی وجہ سے 20 رنز زیادہ بنائے، شاہد آفریدی

شاہد آفریدی نے کہا ہے کہ بھارت نے 20 رنز ہماری غلطیوں کی وجہ سے زیادہ بنائے۔

پاکستان کرکٹ ٹیم کے سابق کپتان اور سماء کے ڈائریکٹر اسپورٹس شاہد خان آفریدی نے کہا ہے کہ پاکستان کیلئے یہ جیت بہت زیادہ ضروری تھی۔

شاہد آفریدی نے کہا جس طرح لڑکوں نے کم بیک کیا وہ بہت شاندارہے، ہمیں بھارت کو 160 رنز پر روکنا چاہیے تھا۔

شاہد خان آفریدی نے کہا غلطیوں کی وجہ سے بھارت نے 181 رنز بنا دیے۔

شاہد آفریدی نے کہا بیٹسمینوں کو کریڈٹ جاتا ہے، رضوان کی اننگز شاندار تھی، نواز کو اوپر بھیجنے کا فیصلہ اچھا تھا۔



from Samaa - Latest News https://ift.tt/GLQ63pE

نواز کو چوتھے نمبر پر بیٹنگ کے لئے کیوں بھیجا؟ محمد یوسف نے بتادیا

پاکستان کرکٹ تیم کے بیٹنگ کوچ محمد یوسف نے بھارت کے خلاف محمد نواز کو چوتھے نمبر پر بیٹنگ کی وجہ بتادی۔

بھارت کے خلاف ٹی 20 میچ کے دوران جب پاکستان کی دوسری وکٹ گری تو پاکستان بہت دباؤ میں تھا۔

اس صورت حال میں افتخار احمد کو آنا تھا لیکن خلاف معمول محمد نواز کو بیٹنگ کے لئے بھیجا گیا۔

محمد نواز نے بھارتی دباؤ کا اثر زائل کیا اور طوفانی انداز میں 20 گیندوں پر 42 رنز بنائے۔

اپنے انٹرویو میں قومی ٹیم کے بیٹنگ کوچ محمد یوسف نے کہا کہ محمد نواز کو بھارت کے خلاف پوری ٹیم منیجمنٹ نے متفقہ رائے سے چوتھے نمبر پر بھیجا۔

محمد یوسف نے کہا کہ محمد نواز کو جلدی لیفٹ ہینڈ اور رائٹ ہینڈ کمبینی نیشن کے لئے بھیجا، محمد نواز نے سب سے زیادہ اچھے شاٹس کھیلے۔

مزید پڑھیے: لاکھوں بھارتی آج رات سکون سے سو نہیں پائیں گے

لیجنڈ بیٹسمین نے کہا کہ بھارت کے خلاف میچ کے دوران محمد رضوان کو تھوڑا مسئلہ ہوا لیکن پٹھان اور فائٹر ہے، اس نے پوری ٹیم کو اٹھا کر رکھا۔



from Samaa - Latest News https://ift.tt/Pyox2qJ

‘ہور کچھ ساڈے لائق’

بھارت سے سنسنی خیز مقابلے کے بعد جیت پر آصف علی نے روایتی انداز میں کہا ہے کہ ‘ہور کچھ ساڈے لائق’

پاکستان کرکٹ بورڈ نے آصف علی اور محمد نواز کی ایک وڈیو جاری کی ہے۔

وڈیو میں جیت کے بعد آصف علی کہتے ہیں کہ ہور کچھ ساڈے لائق۔

اس کے ساتھ ہی محمد نواز کہتے ہیں کہ نام یاد رکھنا آصف علی۔

اس کے جواب میں آصف علی محمد نواز کا شکریہ ادا کرتے ہیں۔

پاکستان نے بھارت کو سنسنی خیز مقابلے کے بعد بھارت کو ہرایا ہے، محمد نواز نے اطچچھی بالنگ کے بعد 20 گیندوں پر 40 رنز بنائے۔ انہیں مین آف دی میچ قرار دیا گیا۔

اسی طرح آصف علی نے بھی 8 گیندوں پر 16 رنز بنائے۔



from Samaa - Latest News https://ift.tt/p7EWHMu

ارشدیپ کی وجہ سے لاکھوں بھارتی آج رات سکون سے سو نہیں پائیں گے، سوشل میڈیا صارفین

بھارت کے خلاف میچ کے دوران اہم ترین موڑ پر آصف علی کا کیچ چھوڑنے والے ارشدیپ سنگھ کو سوشل میڈیا پر پاکستان کی طرف سے مین آف میچ قرار دیا جارہا ہے۔

19ویں اوورز میں ارشدیپ سنگھ نے آصف علی کا انتہائی آسان کیچ چھوڑ دیا جس پر کپتان روہت شرما بھی کافی غصے میں نظر آئے۔

گو کہ ارشدیپ نے آخری اوور میں کافی اچھی بولنگ کی لیکن نوجوان بالر سے متعلق سوشل میڈیا پر سے متعلق مختلف تبصرے کئے جارہے ہیں۔

پی ٹی آئی کے رہنما مزمل اسلم نے کہا کہ ارشدیپ پاکستان کی طرف سے مین آف دی میچ ہیں۔

موہت گلاٹی نامی ٹوئٹر ہینڈل سے کہا گیا کہ اس ارشدیپ کو ہمیشہ کے لیے ٹیم سے باہر کر دو۔

جسٹ انادھر گائے ایک تصویر کے ساتھ لکھا کہ ہر ہندوستانی کو ارشدیپ سنگھ جب اس نے کیچ ڈراپ کیا۔ تصویر پر لکھا تھا ‘تمہاری اس ایک غلطی سے کتنا تماشا ہوگیا اس کا اندازہ ہے تمہیں؟’

جادو نامی ہینڈل نے گینگ آس واسع پور کی ایک تصویر شیئر کرتے ہوئے لکھا کہ میں اور میرے لڑکے ارشدیپ کو ڈھونڈ رہے ہیں۔

جناح ری بورن نے لکھا کہ ارشدیپ کا فخر زمان کے سخت مقابلہ ہے۔

سوربھ سنگھ نے لکھا کہ ارشدیپ ٹیم انڈیا کے حسن علی ہیں۔ صرف ارشدیپ کے اس ڈراپ کیچ کی وجہ سے لاکھوں بھارتی آج رات سکون سے نہیں سو پائیں گے۔



from Samaa - Latest News https://ift.tt/DvLwZ9q

‘رضوان دھوکا نہیں دے گا’

پاکستان اور بھارت کے خلاف میچ کے دوران محمد رضوان ایک مرتبہ پھر زخمی ہوئے تو سوشل میڈیا صارفین کی جانب سے ان کے لئے انتہائی تشویش کا اظہار کیا گیا۔

بھارت کی بیٹنگ کے دوران محمد رضوان ایک انتہائی اونچی گیند پکڑنے کی کوشش کے دوران اچھلے تو اپنا توازن برقرار نہ رکھ سکے۔

اس صورت حال کو دیکھ کر ایم منظور نے ٹوئٹر پر رضوان کی تصویر شیئر کرکے ان کے لئے ‘فائٹر’ لکھا۔

عین ود این آئی نے ٹوٹے دل کے اموجیز کے ساتھ کہا کہ اپنی ٹیم کو تکلیف میں دیکھنا مشکل ہے۔

کومل انصاری نے لکھا کہ اس سے زیادہ تکلیف دہ کوئی چیز نہیں۔

خدیجہ الکبریٰ نے لکھا کہ رضوان دھوکا نہیں دے گا



from Samaa - Latest News https://ift.tt/gY8lyPM

‘فخر بھائی کو فالو کریں اور آخرت کی تیاری کریں’

بھارت کے خلاف میچ کے دوران آخری اوور میں فخر زمان کی جانب سے خراب فیلڈنگ پر سوشل میڈیا پر میمز کا طوفان آگیا۔

مصطفیٰ نامی ٹوئٹر ہپینڈلر نے لکھا کہ ‘سب کو صبح بخیر فخر بھائی کو فالو کریں اور آخرت کی تیاری کریں’۔

ڈیولپنگ پاکستان نامی ٹوئٹر سے لکھا گیا فخر بھارت کا 12 واں کھلاڑی ہے۔

کرک ٹریکر نامی ٹوئٹر اکاؤنٹ سے کہا گیا کہ میدان میں فخر زمان کے لیے بھولنے والا دن۔

پی ایس ایل میمز کے اکاؤنٹ سے لکھا گیا کہ فخر زمان تم ایسا کیوں کررہے ہو میری جان؟

مہران چوہدری نامی ٹوئٹر اکاؤنٹ سے عامر خان کی فلم گجنی کی ایک تصویر کی اور لکھا کہ فخر زمان سوچ رہے ہیں کہ میں کس ٹیم میں کھیل رہا ہوں۔

حسینی نے لکھا کہ فخر زمان، یہ آپ کے لئےبہت فخر کا لمحہ نہیں تھا۔



from Samaa - Latest News https://ift.tt/NxUtA5d

Main Post

With Stephen Miller pick, Trump readies for a battle

The US president's promotion of Miller, a loyal partisan firebrand to be his new chief of staff sets up likely clashes with Congress. ...