باخبر بلوچستان: شمالی وزیرستان میں فورسز کا آپریشن، ایک دہشت گرد ہلاک

شمالی وزیرستان کے علاقے میرعلی میں آپریشن کے دوران ایک دہشت گرد ہلاک ہوگیا۔

ترجمان پاک فوج (آئی ایس پی آر) کے مطابق سیکورٹی فورسز نے شمالی وزیرستان کے علاقے میر علی میں آپریشن کیا، جہاں فائرنگ کے تبادلے میں ایک دہشت گرد ہلاک ہوگیا، جس سے اسلحہ اور گولیاں بھی برآمد ہوئی ہیں۔

ترجمان کے مطابق میرعلی میں آپریشن خفیہ اطلاعات پر کیا گیا، ہلاک دہشت گرد سیکیورٹی فورسز پر حملوں اور شہریوں کے قتل میں ملوث تھا۔