عالمی مالیاتی فنڈ (آئی ایم ایف) نے وفاقی حکومت کےپیش کردہ نئےبجٹ پرتحفظات کااظہار کر دیا، اور کہا ہے کہ بجٹ کے مسودے نے ٹیکس کی بنیاد وسیع کرنے کا موقع گنوا دیا۔
پاکستان میں آئی ایم ایف کی نمائندہ ایسترپیریزروئزنے سما ء سے گفتگو کے دوران نئےبجٹ پرتحفظات کااظہار کیا ، اور کہا کہ بجٹ منظوری سےقبل اسےبہتربنانے کیلئے حکومت سےملکرکام کرنےکوتیارہیں۔
انہوں نے توانائی کے شعبے پرمالی دباؤ میں کمی کیلئے اقدامات پر زوردیتے ہوئے کہا کہ اس سےبی آئی ایس پی کےمستحقین کیلئےدرکاروسائل میں کمی آئےگی۔
آئی ایم ایف کی نمائندہ نے کہا کہ نئےٹیکس اخراجات کی طویل فہرست ٹیکس کےنظام کی شفافیت کومزیدکم کرتی ہے،بجٹ کے مسودے نے ٹیکس کی بنیاد وسیع کرنے کا موقع گنوا دیا،آئی ایم ایف عملہ استحکام کیلئےپالیسیوں پربات چیت میں مصروف ہے۔
ایسترپیریزروئز نے نئی ایمنسٹی اسکیم کوقرض پروگرام کی شرائط کےمنافی قرار دیتے ہوئے کہا کہ نئی ایمنسٹی اسکیم ایک نقصان دہ نظیرپیداکرتی ہے۔
from Samaa - Latest News https://ift.tt/BrRAZ5J
No comments:
Post a Comment