پاکستان کرکٹ ٹیم کی عبوری سلیکشن کمیٹی کے سربراہ شاہد آفریدی نے پاکستانی اسکواڈ کے اعزاز میں اپنے گھر پر عشائیہ کا اہتمام کیا ہے۔
عشائیہ میں قومی کرکٹ ٹیم کے کپتان بابراعظم، محمد رضوان، فخر زمان، نسیم شاہ سمیت ٹیسٹ اور ون ڈے اسکواڈ کے تمام کھلاڑیوں اور آفیشلز نے شرکت کی۔
شاہد آفریدی اور ان کے ہونے والے داماد شاہین شاہ آفریدی نے خود گیٹ پر کھڑے ہوکر قومی کرکٹرز اور آفیشلز کا استقبال کیا۔
عبوری چیف سلیکٹر شاہد آفریدی اس ڈنر میں ہوم ٹیسٹ سیریز میں نمایاں کارکردگی دکھانے والے کھلاڑیوں کی تعریف اور حوصلہ افزائی کریں گے جبکہ نیوزی لینڈ کیخلاف ون ڈے اسکواڈ میں شامل کھلاڑیوں کے ساتھ قیمتی ٹپس بھی شیئر کریں گے۔
فاسٹ بولر شاہین شاہ آفریدی جو انجری کے باعث کسی بھی اسکواڈ کا حصہ نہیں، اُنہیں اس عشائیہ میں خصوصی طور پر مدعو کیا گیا ہے جبکہ لیجنڈ اسکواش پلیئر جہانگیر خان بھی اس عشائیہ میں شریک ہوں گے۔
from Samaa - Latest News https://ift.tt/J4ZVK3j
No comments:
Post a Comment