جوڈیشل مجسٹریٹ راولپنڈی نے وفاقی وزیرداخلہ رانا ثنااللہ کے وارنٹ گرفتاری جاری کردیئے ہیں۔
وفاقی وزیرداخلہ رانا ثنااللہ کے ورانٹ گرفتاری جاری کردیئے گئے ہیں، رانا ثنااللہ کے وارنٹ جوڈیشل مجسٹریٹ راولپنڈی کی جانب سے جاری کئے گئے ہیں، اور یہ وارنٹ اینٹی کرپشن انکوائری میں حاضر نہ ہونے پرجاری ہوئے ہیں۔
ذرائع کا کہنا ہے کہ رانا ثنااللہ کی گرفتاری کے لئے پنجاب پولیس کچھ دیر میں تھانہ کوہسار پہنچے گی، اور ضابطے کے مطابق مقامی پولیس کو اطلاع دی جائے گی، اور رانا ثناءاللہ کی گرفتاری کے عمل کا آغاز کیا جائے گا۔
دوسری جانب آرپی او راولپنڈی عمران احمر نے بیان جاری کیا ہے کہ وارنٹ گرفتاری معمول کی کارروائی ہے، کسی کی گرفتاری کے لئے ٹیمیں روانہ نہیں کیں۔
آر پی او راولپنڈی نے مزید بتایا کہ رانا ثنااللہ پر مقدمہ اینٹی کرپشن سے متعلقہ ہے، پنجاب پولیس کا اس سے کوئی تعلق نہیں، اور مجھ سے منسوب بیان میں صداقت نہیں۔
from Samaa - Latest News https://ift.tt/X8ntrqD
No comments:
Post a Comment