** وزیر دفاع خواجہ آصف نے کہا ہے کہ تحریک انصاف کے ارکان کی بڑی تعداد پارٹی قيادت کے قابو ميں نہيں ہے۔**
سماء سے خصوصی گفتگو میں خواجہ آصف نے دعویٰ کیا کہ تحریک انصاف کے اراکین قومی اسمبلی استعفے نہيں دينا چاہتے اور 2014 والا ڈراما کررہے ہيں۔
خواجہ آصف نے کہا کہ يہ رينگتے ہوئے گھٹنوں کے بل اسمبلی واپس آئيں گے، اگر يہ تصديق نہيں کرائيں گے تو نااہل ہوجائيں گے۔ جب نوٹسز چلے گئے تو پھر استعفے بھی منظور کرلیے جائیں گے۔ اس لیے یہ انکاری ہیں کہ ہمیں نوٹسز نہیں ملے۔
دوسری جانب پی ی آئی رہنما فواد چوہدری کا کہنا ہے کہ ہمارے استعفے پہلے ہی منظور ہوچکے ہیں، اسپیکر انہیں منظور کرکے الیکشن کمیشن کو بتاچکے ہیں۔ الیکشن کمیشن کو ہمارے ارکان کو ڈی نوٹیفائی کرنا چاہئے۔ دوبارہ تصدیقی عمل آئین کے خلاف ہے۔
واضح رہے کہ پی ٹی آئی کے 131 ارکان اسمبلی کو استعفوں کی تصدیق کیلئے نوٹسز جاری کردیے گئے ہیں، عمران خان سمیت تمام ارکان کو ذاتی حیثیت میں طلب کیا گیا ہے۔
تصدیقی عمل پانچ دن میں مکمل کیا جائے گا اور روزانہ 30 ارکان کو انکے استعفوں کی تصدیق کیلئے بلایا جائے گا۔
from Samaa - Latest News https://ift.tt/a58DAwH
No comments:
Post a Comment