آل پاکستان لوکل گورنمنٹ ورکرز فیڈریشن کے الیکشن برائے 23-2022ء مکمل ہوگئے۔ سید ذوالفقار شاہ (کراچی) چیئرمین، ملک نوید اعوان (پشاور) صدر اور ملک نصیر الدین ہمایوں بلا مقابلہ جنرل سیکریٹری منتخب ہوگئے، جنرل باڈی نے منظوری دے دی، اراکین الیکشن کمیٹی راﺅ علی رضا، مہر لیاقت علی نے نومنتخب عہدیداران سے حلف لیا، ملک بھر سے یونینز رہنماﺅں نے شرکت کی۔
آل پاکستان لوکل گورنمنٹ ورکرز فیڈریشن کے مرکزی عہدیداروں کے الیکشن برائے 2023-2022ء مکمل ہوگئے، جس میں سید ذوالفقار شاہ (کراچی) کو مرکزی چیئرمین، ملک نوید اعوان (پشاور) کو مرکزی صدر، ملک نصیرالدین ہمایوں (گوجرانوالہ) کو متفقہ طور پر تیسری بار بلامقابلہ جنرل سیکریٹری منتخب کرلیا گیا۔
الیکشن کے چیئرمین الیکشن کمیٹی غلام محمد ناز اراکین الیکشن کمیٹی، راؤ علی رضا اور مہر لیاقت علی کی زیرنگرانی ہوئے، ڈسکہ سیالکوٹ میں جنرل باڈی اجلاس نے متفقہ طور پر ملک بھر سے آئے ہوئے ٹریڈ یونینز رہنماؤں نے ہاتھ اٹھاکر منظوری دیدی۔
منتخب عہدیداران میں سید ذوالفقار شاہ (کراچی) مرکزی چیئرمین، ساجد محمود بھٹہ (لودھراں) چیف آرگنائزر، ملک نوید اعوان (پشاور) صدر، میاں محمد یاسین وٹو (پاکپتن) سینئر نائب صدر، رسول بخش شاہانی نائب صدر، ملک نصیرالدین ہمایوں (گوجرانوالہ) جنرل سیکریٹری، علی مردان شیخ (سکھر) ڈپٹی جنرل سیکریٹری، سوار خان (تخت بائی) ڈپٹی جنرل سیکریٹری، محمد خان کلو (فیصل آباد) جوائنٹ سیکریٹری، کشن لعل راجہ (نوشہرو فیروز) جوائنٹ سیکریٹری، محمد عالم (اوستہ محمد) جوائنٹ سیکریٹری، محمد ریاض (ڈیرہ غازی خان) جوائنٹ سیکریٹری، محمد اشتیاق (مانسہرہ) انفارمیشن سیکریٹری، پرویز چیدا (راولپنڈی) فنانس سیکریٹری، راجہ عاصم شہزاد (کراچی)، آرگنائزنگ سیکریٹری، محمد ارشد (خانیوال) ایجوکیشن سیکریٹری، شہباز بخاری (گوجرانوالہ) آفس سیکریٹری شامل ہیں۔
چیئرمین الیکشن کمیٹی غلام محمد ناز کی منظوری سے اراکین الیکشن کمیٹی راﺅ علی رضا اور مہر لیاقت علی نے عہدیداروں کے ناموں کا اعلان کیا اور نومنتخب عہدیداروں سے حلف لیا۔
صوبہ پنجاب کے سرپرست اعلیٰ اعجاز احمد باجوہ نے شرکاء اجلاس کے اعزاز میں پُرتکلف ظہرانے کا اہتمام کیا۔ اس موقع پر خطاب کرتے ہوئے نومنتخب چیئرمین سید ذوالفقار شاہ، صدر ملک نوید اعوان اور جنرل سیکریٹری ملک نصیرالدین ہمایوں نے کہا کہ جس طرح ملک بھر کے بلدیاتی محنت کشوں کے نمائندوں نے ان پر اعتماد کا اظہار کیا ہے وہ اس پر پورا اترنے کی کوشش کریں گے۔
اس موقع پر شرکاء سے سوار خان، علی مردان شیخ، اکرم راجپوت،محمدعالم، میاں یاسین وٹو، ملک شفیق، اعجاز باجوہ اور دیگر نے بھی خطاب کیا۔
اس موقع پر تقریب حلف برداری کے موقع پر آل پاکستان لوکل گورنمنٹ ورکرز فیڈریشن سندھ کی جانب سے جنرل سیکریٹری اکرم راجپوت اور سید ذوالفقار شاہ نے نومنتخب عہدیداروں کو سندھی ٹوپی اجرک کا تحفہ پیش کیا گیا۔
from SAMAA https://ift.tt/IJOWCSh
No comments:
Post a Comment