خیبرپختونخوا کے ضلع ڈیرہ اسماعیل خان میں سیکیورٹی فورسز نے آپریشن میں 2 دہشتگردوں کو ہلاک کردیا۔
پاک فوج کے شعبہ تعلقات عامہ آئی ایس پی آر کے مطابق ہلاک ہونے والے دہشت گرد فورسز کیخلاف سنگین وارداتوں میں ملوث تھے۔ ترجمان کے مطابق مقامی آبادی نے دہشتگردوں کیخلاف فورسز کی کارروائی کوسراہا۔
آئی ایس پی آر کے مطابق دہشت گردوں کے قبضے سے بھاری مقدار میں گولہ بارود اور اسلحہ برآمد کر لیا گیا، برآمد ہتھیاروں میں سب مشین گن، دستی بم سمیت دیگر اسلحہ شامل ہے۔
واضح رہے کہ 20 فروری کو بھی شمالی وزیرستان میں دہشتگردوں کی موجودگی کی خفیہ اطلاع پر سکیورٹی فورسز سے فائرنگ کے تبادلے میں5دہشت گرد مارے گئے تھے۔
اس سے قبل 5 فروری کو بھی شمالی وزیرستان کے علاقے دتہ خیل میں سیکیورٹی فورسز نے آپریشن کے دوران فائرنگ کے تبادلے میں 2 دہشتگردوں کا ہلاک کر دیا تھا۔
from SAMAA https://ift.tt/zIlMYTu
No comments:
Post a Comment