پاکستان ہاکی ٹیم ایشینز چیمپئنز ٹرافی میں شرکت کے لئے بھارت کے شہر چنئی پہنچ گئی۔
قومی ہاکی ٹیم واہگہ بارڈ کے راستے بھارت میں داخل ہوئی اور براستہ امرتسر دہلی اور دہلی سے چنئی پہنچی ۔
ایونٹ کے شیڈول کے مطابق پاکستان اپنا پہلا میچ ملائیشیا کے خلاف 3 اگست کو کھیلے گا جبکہ قومی ٹیم 4 اگست کو اپنے دوسرے میچ میں کوریا اور 6 اگست کو جاپان کے مدمقابل ہوگی۔
شیڈول کے مطابق پاکستان اپنا چوتھا میچ چائنہ کے خلاف 7 اگست جبکہ آخری راؤنڈ میچ روایتی حریف بھارت کے خلاف 9 اگست کو کھیلے گا۔
یاد رہے کہ ایشین چیمپئنز ٹرافی کا فائنل 12 اگست کو کھیلا جائے گا۔
from Samaa - Latest News https://ift.tt/CMsuOAe
No comments:
Post a Comment