وزیراعظم شہباز شریف نے 14 سالہ بچی رضوانہ پر تشدد کے واقعہ کا سخت نوٹس لیتے ہوئے وزیر اعلیٰ پنجاب سے رپورٹ طلب کر لی ہے ۔
وزیراعظم شہباز شریف نے وزیر اعلیٰ پنجاب سید محسن نقوی کو بچی کو علاج کی بہترین سہولیات کی فراہمی کی ہدایت کی اور کہا کہ بچی کی زندگی بچانے اور صحت یابی کے لئے پوری کوشش کی جائے،مظلوم بچی کو انصاف کی فراہمی یقینی بنائی جائے۔
وزیراعظم نے ہدایت کرتے ہوئے کہا کہ ملزم کون ہے، اسے خاطر میں نہ لایا جائے، انصاف کی فراہمی یقینی بنائی جائے، قانون پر عملدرآمد یقینی بنایا جائے، ظالم اور قانون شکن رعایت کے مستحق نہیں۔
انہوں نے کہا کہ پولیس کسی دباؤ کو خاطر میں لائے بغیر قانون پر سختی سے عمل کرے،معاشرہ ایسی اندھیرنگری اور ظلم وجبر کا متحمل نہیں ہوسکتا۔
وزیراعظم محمد شہبازشریف نے متاثرہ بچی کے والدین کو انصاف کی فراہمی کی یقین دہانی کرائی ۔
from Samaa - Latest News https://ift.tt/vbzceUs
No comments:
Post a Comment