پاکستان نے بھارتی وزیر دفاع راج ناتھ سنگھ کے اشتعال انگیز بیان کو مسترد کرتے ہوئے اس کی شدید الفاظ میں مذمت کی ہے۔
خیال رہے کہ بھارتی وزیر دفاع نے ایک تقریب کے دوران خطاب کرتے ہوئے کہا تھا کہ بھارتی فوج ضرورت پڑنے پر لائن آف کنٹرول کو عبور کرسکتی ہے۔
اس بیان کے بعد ترجمان دفتر خارجہ ممتاز زہرہ بلوچ نے رد عمل میں کہا کہ ہم بھارت کو مشورہ دیتے ہیں کہ وہ انتہائی احتیاط برتے کیونکہ اس کی متعصبانہ بیان بازی خطے کے لیے خطرہ ہے۔اس طرح کا بیان امن اور استحکام، اور جنوبی ایشیا میں اسٹریٹجک ماحول کو غیر مستحکم کرنے میں کردار ادا کرتا ہے۔
انہوں نے کہا کہ یہ پہلا موقع نہیں ہے کہ بھارت کے سیاسی رہنماؤں اور اعلیٰ فوجی افسران نے آزاد کشمیر اور گلگت بلتستان کے بارے میں انتہائی غیر ذمہ دارانہ تبصرے کیے ہیں۔ اس قسم کے غیر اخلاقی بیانات کو روکنا چاہیے، جارحیت کی صورت میں بھارتی قیادت کو یاد دلایا جاتا ہے کہ پاکستان کسی بھی صورت میں اپنے دفاع کی پوری صلاحیت رکھتا ہے۔
دفتر خارجہ کے مطابق ہائپر نیشنلزم کو بھڑکانے اور انتخابی فوائد حاصل کرنے کے مقصد سے بھارت کو پاکستان کیخلاف عوامی گفتگو میں گھسیٹنے کی روایت کو ختم کرنے کی ضرورت ہے۔
یہ بھی پڑھیں :۔ ضرورت پر فوج ایل او سی پار کر سکتی ہے، بھارت کی گیدڑ بھبکی
ممتاز زہرہ بلوچ کے مطابق تاریخ سے لے کر قانون تک اور اخلاقیات سے لے کر زمینی صورتحال تک ہر چیز کشمیر کے بارے میں بھارتی دعوئوں کو جھٹلاتی ہے، جو ایک عالمی سطح پر تسلیم شدہ متنازعہ علاقہ ہے۔
انہوں نے کہا کہ اقوام متحدہ کی سلامتی کونسل کی متعلقہ قراردادوں میں یہ شرط رکھی گئی ہے کہ علاقے کا حتمی فیصلہ عوام کی مرضی کے مطابق کیا جائے گا جس کا اظہار جمہوری طریقہ کار کے ذریعے اقوام متحدہ کی سرپرستی میں آزادانہ اور غیر جانبدارانہ رائے شماری کرائی جائے گی،بھارت کو مشورہ دیا جائے گا کہ وہ ان قراردادوں پر دیانتداری کے ساتھ عملدرآمد کرے، بجائے اس کے کہ وہ شان و شوکت کے تصورات کو پسند کرے۔
from Samaa - Latest News https://ift.tt/ojIgf8X
No comments:
Post a Comment