چیئرمین تحریک انصاف عمران خان کا کہنا ہے کہ دشمن بھی وہ نقصان نہیں پہنچا سکتا تھا جو ان چوروں کو مسلط کرکے ملک کو نقصان پہنچایا گیا۔
کراچی میں شاہ فیصل کالونی پنجاب گراؤنڈ میں جلسے سے خطاب میں عمران خان کا کہنا تھا کہ بیرونی سازش کے ذریعے ہماری حکومت گرائی گئی،جن لوگوں نے انہیں مسلط کیا،اس ملک کی تاریخ ان کو نہیں بھولے گی۔
سابق وزیراعظم کا کہنا تھا کہ اندرون سندھ کے لوگ بھی تیار ہوجائیں، سندھ کو آصف زرداری سے نجات دلائیں گے۔
عمران خان نے ایم کیو ایم پاکستان سے سوال کیا کہ کیا زرداری کے ساتھ بیٹھ کروہ خوش ہیں؟ کیا زرداری نے ایم کیوایم اور کراچی کے مسائل حل کردیے؟
اس سے قبل کراچی بار سے خطاب میں عمران خان نے کہا کہ وہ حقیقی آزادی کیلئے سیاست نہیں بلکہ جہاد کر رہے ہیں۔
چیئرمین تحریک انصاف کا کہنا تھا کہ قانون کی حکمرانی کی دھجیاں اڑائی گئی ہیں اور طاقتوروں کو این آر او دیا جا رہا ہے۔ اگر اس بار بھی ملک لوٹنے والے این آر او ٹو لیکر واپس آگئے تو پاکستان کا کوئی مستقبل نہیں رہے گا۔
from Samaa - Latest News https://ift.tt/oWqfnxJ
No comments:
Post a Comment