وزیراعظم عمران خان کے قوم سے خطاب پر اپوزیشن کا ردعمل بھی سامنے آگیا۔ شہباز شریف کا کہنا ہے کہ عمران خان جھوٹ نہ بولیں، خط عوام کو دکھائیں۔ مريم نواز کہتی ہیں کہ اقتدار کیلئے کسی کو اس طرح روتے پہلی بار دیکھا ہے۔ پیپلزپارٹی کا کہنا ہے کہ یوکرین جنگ سے پہلے تحریک عدم اعتماد کا اعلان ہوچکا تھا، بلاول حکومت کو کھلے عام الٹی میٹم دے رہے تھے۔
وزیراعظم عمران خان کا جمعہ کو قوم سے اپنے خطاب میں کہنا ہے کہ امپورٹڈ حکومت کو تسلیم نہیں کروں گا، اتوار کو عوام کے ساتھ ایک بار پھر سڑکوں پر نکلیں گے، قوم کے مستقبل کیلئے پرامن احتجاج کریں گے۔
وزیراعظم کے خطاب پر ردعمل کا اظہار کرتے ہوئے ٹوئٹر پر جاری بیان میں وزیراعظم کیلئے اپوزیشن کے متفقہ امیدوار شہباز شريف کا کہنا تھا کہ اقتدار سے چمٹا شخص خوددار نہیں خود غرض ہے، اقتدار کے غم میں عمران خان پارلیمنٹ، آئین اور عدالت پر حملے کررہے ہیں۔
There is no limit to Niazi’s lies, fabrications & lust for power. The nation knows his “respect” for parliament, constitution & court. Today’s speech is an insult to the sacrifices of our soldiers & praise for Modi’s foreign policy is the biggest betrayal of Kashmiris’ struggle!
— Shehbaz Sharif (@CMShehbaz) April 8, 2022
انہوں نے کہا کہ عمران خان نے تحریک عدم اعتماد کی کامیابی کا پیشگی اعلان کردیا ہے، وہ اب آئین کے مطابق تحریک عدم اعتماد کا مقابلہ کریں۔
شہباز شريف کا کہنا تھا کہ مہنگائی، بیروزگاری اور نفرت پھیلانے والے عوام میں شوق سے جائیں، آئین، پارلیمنٹ اور عوام کو ضد، تکبر اور دھونس کا یرغمال نہیں بننے دیں گے۔
مزید پڑھیں: امپورٹڈ حکومت کو تسلیم نہیں کروں گا، وزیراعظم عمران خان
مريم نواز نے بھی ٹوئٹر پر اپنے خیالات کا اظہار کرتے ہوئے کاہ کہ او بھائی آنکھیں کھول کے دیکھو، غریب عوام کو ان ساڑھے 3 سالوں میں جس طرح تم نے رُلایا ہے، وہ شکرانے کے نفل پڑھ رہے ہیں کہ تم جیسے سے جان چھوٹی، جاتے جاتے آئین بھی توڑ دیا۔
اقتدار کے لیے اس طرح کسی کو روتے پہلی بار دیکھا ہے۔رو رہا ہے کہ میرے لیے کوئی نہیں نکلا۔او بھائی آنکھیں کھول کے دیکھو،غریب عوام کو ان ساڑھے تین سالوں میں جس طرح تم نے رُلایا ہے، تل تل کر کے مارا ہے، وہ شکرانے کے نفل پڑھ رہے ہیں کہ تم جیسے سے جان چھوٹی! جاتے جاتے آئین بھی توڑ دیا!
— Maryam Nawaz Sharif (@MaryamNSharif) April 8, 2022
مزيد لکھا کہ جس بھارت کے قصیدے پڑھ رہے ہیں وہاں مختلف وزرائے اعظم کیخلاف عدم اعتماد کی 27 تحریکیں آئیں، کسی ایک نے بھی آئین، جمہوریت اور اخلاقیات سے یہ کھلواڑ نہیں کیا، واجپائی ایک ووٹ سے ہارا، گھر چلا گیا، آپ کی طرح ملک، آئین اور قوم کو یرغمال نہیں بنایا۔
پیپلزپارٹی میڈیا سیل کی جانب سے جاری بیان میں کہا کہا گیا ہے کہ یوکرین کی جنگ سے پہلے تحریک عدم اعتماد کا اعلان ہوچکا تھا، چیئرمین بلاول بھٹو زرداری حکومت کو کھلے عام الٹی میٹم دے رہے تھے، بیرونی سازش کا جھوٹا واویلا کرنیوالے عمران خان جان لیں قوم اب کسی جھانسے میں نہیں آئے گی۔
یوکرین کی جنگ سے پہلے تحریک عدم اعتماد کا اعلان ہوچکا تھا، چیئرمین بلاول بھٹو زرداری حکومت کو کھلے عام الٹی میٹم دے رہے تھے، بیرونی سازش کا جھوٹا واویلا کرنے والے عمران خان جان لیں۔
قوم اب کسی جھانسے نہیں آئے گی۔@BBhuttoZardari pic.twitter.com/4PSygcJdVK— PPP (@MediaCellPPP) April 8, 2022
دوسری جانب پنجاب کی وزارت اعلیٰ کے امیدوار حمزہ شہباز نے اپنے ردعمل ميں کہا عمران خان سے آئین و قانون کی فتح ہضم نہیں ہو رہی، عمران خان کا قوم کو آخری لیکچر تاریخی حقائق کو مسخ کرنے اور قوم کو مزید تقسیم و گمراہ کرنے کی بھونڈی کوشش تھی۔
from SAMAA https://ift.tt/jnxvI29
No comments:
Post a Comment