دبئی ایکسپو 2020 تمام تر رعنائیوں کے ساتھ اختتام پذیر ہوگئی جس میں پاکستان کے پویلین نے بیسٹ ایکسٹیریئر ایوارڈ کے بعد انٹیریئر ڈیزائن کے لیے سلور ایوارڈ اپنے نام کیا۔
عرب میڈیا کے مطابق بُرج سی ای او ایوارڈ اعلیٰ بزنس کارکردگی کے اعتراف میں دیا جاتا ہے جو دبئی ایکسپو 2020 میں پاکستان کو ‘بہترین پویلین ایکسٹیریئر ڈیزائن’ پر دیا گیا۔
عبدالرزاق داؤد نے گزشتہ روز ٹوئٹر پوسٹ میں کہا کہ ’ایکسپو 2020 میں بہترین پویلین کے انتخاب کے لیے ایک بین الاقوامی جیوری کو بلایا گیا اور پاکستان کو 192 پویلینز میں سے انٹیریئر ڈیزائن کے لیے سلور ایوارڈ ملا۔ ہمیں اس نمائش میں شاندار رسپانس موصول ہوا اور پویلین پہلے ہی 10 لاکھ وزٹرز کا سنگ میل عبور کر چکا ہے جو ہماری توقعات سے زیادہ ہے‘۔
An international jury was called to select the best Pavilion at Expo 2020 and
— Abdul Razak Dawood (@razak_dawood) March 31, 2022Pakistan got Silver Award for interior design out of 192 Pavilions. The response we received was overwhelming, &
وزیر تجارت نے پویلین میں ملکی ثقافت کی نمائش پر پاکستان کی تخلیقی ٹیم اور متحدہ عرب امارات میں ملکی سفارت خانے کا شکریہ ادا کیا۔
اس سے قبل پاکستانی پویلین کی جانب سے ٹوئٹر پیغام میں کہا گیا کہ ‘ہم ملک کے مایا ناز آرٹسٹ اور پاکستانی پویلین کے ایکسٹیریئر ڈیزائنر راشد رانا کو فائن آرٹ کے شعبے میں نمایاں کاکردگی کے اعتراف میں اعلیٰ ترین سول ایوارڈ ستارہ امتیاز ملنے پر مبارکباد پیش کرتے ہیں’۔
We are happy to celebrate the award given by Burj CEO for "Best Pavilion Exterior Design at Dubai Expo". pic.twitter.com/qJTvKmXnnr
— PakistanExpo2020 (@Expo2020Pak) March 28, 2022
خیال رہے پاکستان پویلین کے ڈیزائنرراشد رانا کو رواں ماہ یوم پاکستان کے موقع پر ملک کے تیسرے اعلیٰ ترین سول ایوارڈ ‘ستارہ امتیاز’ سے نوازا گیا تھا۔
ایک رپورٹ کے مطابق گذشتہ سال اکتوبر میں دبئی ایکسپو کے آغاز کے بعد سے اب تک 10 لاکھ سے زیادہ سیاح پاکستانی پویلین کا دورہ کر چکے ہیں۔
خیال رہے کہ ایکسپو 2020 کی اختتامی تقریب جمعرات کی رات منعقد ہوئی، جس میں آتش بازی کا شاندار مظاہرہ کیا گیا۔
from SAMAA https://ift.tt/V0SAWxK
No comments:
Post a Comment