کراچی میں غیرت کے نام پر لڑکی کو قتل کردیا گیا، پولیس نے باپ اور بھائی کو گرفتار کرلیا، مقدمہ درج کرکے قبر کشائی کی درخواست دیدی گئی۔
کراچی کے علاقے گلشن معمار میں افغان بستی میں پسند کی شادی کی خواہش کرنیوالی 19 سالہ لڑکی مرینہ کو باپ نے بیٹے کے ساتھ مل کر تشدد کا نشانہ بنایا اور قتل کرنے کے بعد راتوں رات تدفین بھی کردی۔
پولیس کے مطابق ملزمان نے اہل محلہ کو بتایا کہ لڑکی نے خود کشی کی ہے، تاہم واقعے کی اطلاع ملنے پر گلشن معمار پولیس نے باپ اور بیٹے کو حراست میں لے لیا، جنہوں نے 30 مارچ کو پیش آئے واقعے کا اعتراف کرلیا۔
پولیس کے مطابق ملزمان کیخلاف مقدمہ درج کرکے قبر کشائی کیلئے عدالت میں درخواست بھی جمع کرادی گئی ہے، مزید تفتیش جاری ہے۔
from SAMAA https://ift.tt/polFcCM
No comments:
Post a Comment