خیبرپختونخوا کے ضلع لکی مروت میں سول جج عمر عظمت پر تشدد میں ملوث 5 وکلاء کیخلاف مقدمہ درج کرلیا گیا۔
تفصیلات کے مطابق جج عمر عظمت اور ایک مقامی وکیل فرمان اللہ کے درمیان کسی بات پر تیز جملوں کے تبادلے کے بعد وکلاء کے ایک گروپ نے جج پر حملہ کرکے تشدد کا نشانہ بنایا۔
پولیس نے واقعہ میں ملوث صدر ڈسٹرکٹ بار ایسوسی ایشن آصف اقبال ایڈوکیٹ، فرمان اللہ ایڈوکیٹ اور میر ہمایون ایڈوکیٹ سمیت 5 وکلاء کے خلاف مقدمہ درج کرلیا۔
ایف آئی آر کے مطابق وکلاء نے جج سے گالم بلوچ کی، ان کو گریبان سے پکڑا اور لاتوں، گھونسوں سے تشدد کیا۔
ڈسٹرکٹ بار ایسوسی ایشن نے واقع کیخلاف کل ہڑتال اور عدالتوں سے بائیکاٹ کا اعلان کردیا ہے۔ اعلامیے کے مطابق لکی مروت کے علاوہ ڈیرہ اسماعیل خان، بنوں اور کرک میں بھی وکلاء عدالتوں میں پیش نہیں ہونگے۔
from SAMAA https://ift.tt/8jRIDMg
No comments:
Post a Comment